Младата милениумска генерација е генерацијата на којашто и јас припаѓам. Во оваа генерација спаѓаат лицата од 19 до 29 годишна возраст. Младите луѓе ја користат ползата од интернетот и информатичките технологии и слободно се изразуваат во тој виртуелен простор. Тие често умеат да се изразуваат и да пишуваат на одредени теми на форуми или на личните блогови. Зошто е важно да се искажува сопственото мислење и став со користење на друштвените мрежи и социјалните платформи? Бидејќи во денешно време се бара и се цени иновативност и креативност и соодветен начин како истите да се пренесат и употребат во практиката.
Често подложни на критики, а сепак вртоглаво користени во секојдневниот живот. Ова слободно би можело да се каже за друштвените мрежи. Од споделување на сопствени размислувања и ставови, преку поврзување со пријателите, па сѐ до барање работа – овие мрежи ни помагаат да ги оствариме своите цели. А не смееме да заборавиме дека и секој од нас сака да биде слушнат, прочитан и виден. Популарноста преку друштвените мрежи претставува несомнен предизвик за секој од нивните корисници.
Младата милениумска генерација е генерацијата на којашто и јас припаѓам. Во оваа генерација спаѓаат лицата од 19 до 29 годишна возраст. Младите луѓе ја користат ползата од интернетот и информатичките технологии и слободно се изразуваат во тој виртуелен простор. Тие често умеат да се изразуваат и да пишуваат на одредени теми на форуми или на личните блогови. Зошто е важно да се искажува сопственото мислење и став со користење на друштвените мрежи и социјалните платформи? Бидејќи во денешно време се бара и се цени иновативност и креативност и соодветен начин како истите да се пренесат и употребат во практиката.
Младоста е клучен период од животот на секој човек. Во овој период луѓето почнуваат со реализација на своите замислени желби, бараат начин како да се осамостојат и да станат економски независни од своите родители, а со тоа и да си го пронајдат своето место во општеството во коешто живеат. За жал, денес во светот младите луѓе се наоѓаат во немилосрдна положба. Постојат неколку клучни проблеми со кои денес се соочува секој млад човек. На прво место е се разбира големата невработеност на младите луѓе. Второ, се почесто се чувствува долгиот и несигурен премин од образование кон работа. Како трет проблем би ја истакнал нееднаквоста на пазарот на трудот помеѓу различните категории на баратели на работа.
Стапката на невработеност кај младите луѓе со завршено високо образование е сѐ уште висока, но сепак истражувањата и анализите покажуваат дека повисокиот степен на образование може да обезбеди и поголеми шанси за наоѓање на работа. Бидејќи значаен проблем претставува и долгиот и несигурен премин од образование кон работа, се поставува и прашањето какви кадри продуцираат образовните институции? Евидентна е потребата од стекнување на практични знаења и вештини, како и од поврзување на образовните институции со стопанството.
Генерацијата која е на возраст од 48 до 65 години е генерација којашто денес управува со компаниите, односно со можните работодавачи. Во овој контекст треба да се истакне дека и таа генерација е веќе забележлива на професионалните и друштвените мрежи. Тие се оние што создаваат своја мрежа на контакти. Генерацијата која е на возраст од 30 до 47 години го опфаќа најголемиот дел од активните вработени лица. Овие лица не пораснаа со новите технологии, но беа сведоци на т.н. технолошки бум и интернет револуција која од ден на ден станува сѐ поразвиена. И оваа генерација на лица денес е присутна на професионалните и друштвените мрежи. Тие или создаваат своја мрежа на контакти или се приклучуваат кон некоја од веќе постојните.
Во времето во коешто живееме поврзувањето на Интернет е и реалност и неопходност, но зависи од кандидатите дали ќе создадат различни стратегии за работните можности коишто им стојат на располагање и од фирмите дали ќе ги разберат современите технологии и техники за да го пронајдат најдобриот кандидат за работа.